Tylino Nodweddiadol Soma Vita
Triniaeth 60 munud yw'r Tylino Nodweddiadol Soma Vita, wedi'i ffocysu ar eich anghenion unigol. Mae'r tylino hwn wedi'i gynllunio i gynnig rhyddhad penodol gan ddefnyddio cymysgedd o dechnegau sydd wedi'u hadnabod i fod y rhai mwyaf effeithiol wrth leihau poen a hybu ymlaciad. Yn dilyn trafodaeth fer, tynnwn ar dechnegau Tylino Swedaidd, Meinwe Ddofn, Pwynt Triger, Rhyddhad Myoffasgau a gwasgbwyntiau i dargedu ardaloedd penodol ac i greu sesiwn ymlaciad dwfn.
Pris
| Tylino Nodweddiadol Soma Vita (60 mun): £55 |
Tylino Swedaidd
Mae tylino Swedaidd, a gaiff ei alw'n dylino clasurol, yn hybu ymlacio gan ryddhau tensiwn yn y cyhyrau. Yn ystod eich sesiwn, bydd y therapydd yn tylino gan ddefnyddio strociau hir, a symudiadau cylchog dwfn i'ch ymlacio, i symbylu terfynau'ch nerfau ac i gynyddu llif gwaed.
Prisiau
| Gwddf, Cefn ac Ysgwyddau (30 mun): £35 | |
| Corff Cyfan (60 mun): £50 | |
| Corff Cyfan gyda Thraed ac Wyneb (90 mun): £70 |
Tylino Meinwe Ddofn
Mae Tylino Meinwe Ddofn (TMDd) yn ffocysu ar ryddhau clymau mewn cyhyrau er mwyn lleihau poen a llid. Mae TMDd hefyd yn gallu lleihau tyndra, gan leihau lefelau cortisol a chynyddu lefelau ocsitosin, hormon sydd ag effeithiau ymlacio. Cyn dechrau eich tylino, bydd eich therapydd yn trafod pa ardaloedd i'w gweithio arnynt.
Pris
| Tylino Meinwe Ddofn (60 mun): £55 |
Tylino Pen Indiaidd
Mae Tylino Pen Indiaidd yn driniaeth ymlaciol dwys ac yn gweithio ar ardaloedd wedi'u heffeithio gan straen emosiynol a meddyliol. Gan ddefnyddio cyfuniad o dylino cylchol a gwasgbwyntiau, mae'n rhyddhau anghysur a straen yn y cyhyrau, yn ogystal â hybu ymlacio. Mae'r driniaeth yn dechrau gyda tylino dwfn i feinwe'r cefn uchaf, ac yna ymlaen i'r gwddf, breichiau, wyneb a phen. Gall y driniaeth rhyddhau sinwsitis, straen a gwella cwsg. Mae rhai yn ei weld yn helpu i reoli pennau tost (hyd yn oed meigryn), straen llygaid a phryder.
Pris
| Tylino Pen Indiaidd (45 mun): £38 |
Beichiogrwydd
Mae tylino yn rhyddhau llawer o'r anghysuron a brofwyd yn ystod beichiogrwydd, fel poen cefn, gwddf anystwyth a chrampiau coesau. Mae hefyd yn hynod ymlaciol ac yn cynnig amser hunanofal hollbwysig i ddarpar mamau. Yn addas i ferched beichiog ar ôl y trimester cyntaf.
Pris
| Tylino Merched Beichiog (60 mun): £55 |
Tylino Oncoleg
Gall y tyndra a'r pryder sy'n deillio o driniaeth ganser roi'r system nerfol y corff ar rybudd uchel. Mae tylino oncoleg yn defnyddio cyffyrddiad ysgafn a symudiadau araf i weithio gyda'r system nerfol i hybu ymlaciad a gwellhad. Mae gwaith ymchwil yn dangos sawl budd, gan gynnwys llai o arosiadau ysbyty, gwell cwsg, llai o bennau tost a llai o ddiffrwythder a chyfog o gemotherapi. Mae cleientiaid yn aml yn teimlo'n well o ran eu hwyliau a'u gallu i ymdopi. Bydd ein therapydd ardystiedig yn trafod unrhyw dyfeisiau meddygol (e.e. llinell Hickman neu PICC), unrhyw gonsern ac ardaloedd i'w ffocysu arnynt cyn i'ch triniaeth gychwyn.
Prisiau
| Tylino Oncoleg Soma Vita (60 mun): £55 | |
| Tylino Oncoleg Soma Vita (30 mun): £38 |
Tylino Aromatherapi
Tylino Aromatherapi gydag olewau anhepgor cymysgu ymlaen llaw.
Mae tylino aromatherapi yn defnyddio technegau cyffyrddiad-ysgafn, sydd wedi'u seilio ar dylino Swedaidd, gydag olewau anhepgor (olewau planhigion â chrynodiad uchel). Yn ystod sesiwn aromatherapi, byddwch yn anadlu'r moleciwlau olew anhepgor i fewn neu eu hamsugno trwy'r croen. Tybiwyd eu bod yn achosi newidiadau llesol i'ch meddwl a chorff gan effeithio'r system limbig - ardal o'r ymennydd sydd yn ymwneud ag emosiwn. Dewisiwch o:
Ailgydbwyso: Bydd Bergamot, Lafant, Petitgrain, Rhosmari ac Oren Melys yn eich setlo ac yn adfer eich cydbwysedd yn ystod cyfnodau o straen emosiynol.
Ymlacio: Bydd Saets Clary, Thus, Bergamot a Rhosmari Maroc yn rhyddhau tyndra, ysgogi'r cylchrediad ac ailfywhau, tra bod Camelia'n adfywio a'n lleddfu.
Egnioli: Ysgogwch eich meddwl a'ch corff gyda Theim a Bergamot i oresgyn blinder, a Lafant i dawelu tyndra ac i gydbwyso'r system nerfol.
Prisiau
| Aromatherapi: Gwddf, Cefn ac Ysgwyddau (30 mun): £38 | |
| Aromatherapi: Corff Cyfan (60 mun): £55 |
Therapi Cerrig Poeth
Tylino maldodus yw Therapi Cerrig Poeth, lle caiff cerrig basalt folcanig naturiol eu defnyddio fel estyniad i ddwylo'r therapydd i roi ymlaciad dwfn. Mae'r therapi yn helpu rhyddhau tensiwn yn y cyhyrau, lleihau tyndra a gorbryder, a hybu cwsg. Mae astudiaethau wedi dangos y gall rhyddhau symptomau clefydau awtoimiwnaidd fel ffibromyalgia ac arthritis rhiwmatoid.
Prisiau
| Therapi Cerrig Poeth (40 mun): £38 | |
| Therapi Cerrig Poeth (60 mun): £55 |
Tylino Troed Tai
Cafodd tylino traed Tai (neu Adweitheg Tai) ei ddatblygu dros ganrifoedd a chaiff ei ddisgrifio mewn dogfennau dwyreiniol hynafol. Rydym yn dechrau gyda thylino dwfn i'ch ymlacio a'ch bywiogi. Mae ychydig o'r tylino yn defnyddio offer pren Tai traddodiadol i symbylu'r pwyntiau "acupressure". Yna bydd olew aromatig yn cael ei dylino i'ch traed a gwaelod y coesau cyn eu lapio mewn mwslin a'u gorchuddio mewn tywelion twym i gwblhau'r driniaeth adnewyddol hon.
Pris
| Tylino Troed Tai (50 mun): £45 |
Sesiwn Rhyddhad Myoffasgau
Mae rhwydwaith ffasgol yn cwmpasu, cynnal a helpu diffinio pob cyhyr, asgwrn, organ, pibell waed a nerf. Mae ffasgau yn cyfangu oherwydd osgo arferol (e.e. eistedd wrth ddesg) neu gall dynhau neu adlynu yn dilyn llawdriniaeth. Pwrpas y therapi yw i ymestyn a rhyddhau'r ffasgau i'w galluogi nhw ac adeileddau gerllaw i symud yn haws ac i adfer symudiad yn gyffredinol. Am y rheswm hon, caiff therapi myoffasgau ei alw'n therapi 'rhyddhad myoffasgau'.
Mae technegau rhyddhad myoffasgau yn dyner, diogel ac yn effeithiol iawn wrth leihau poen ac adfer symudiad, cytbwysedd adeileddol ac i optimeiddio swyddogaethau.
Pris
| Sesiwn Rhyddhad Myoffasgau (60 mun): £55 |
Therapi Ffibromyalgia
Gall therapi tylino leddfu'n ddwfn a gall fod yn fuddiol i'r rheiny sy'n dioddef o ffibromyalgia. Gan ddefnyddio strociau ysgafn, ymestyn tyner a gwres, gall ein therapi tylino rhyddhau poen yn y cyhyrau, lleihau lefelau hormonau straen a chynyddu lefelau serotonin. Daw teimlad o les cyffredinol gyda'r buddion hyn, sy'n ymlacio'r corff ac sydd yn hybu cwsg gwell. Gwnawn weithio gyda chi i deilwra'r driniaeth i ddarparu rhyddhad o'r cyflwr poenus hwn.
Pris
| Tylino Ffibromyalgia (50 mun): £45 |
Anfonwch Anrheg
Ydych chi'n edrych am anrheg ar gyfer y person arbennig yn eich bywyd? Prynwch un o'n cardiau rhodd electronig. Caiff ei anfon ar ddyddiad o'ch dewis. Mae gennym lawer o themau ac achlysuron ac maent ar gael yn y Gymraeg a Saesneg.
English